Në “Tempora”, të RTV Ora, politologu Abdi Baleta tha se një nga arsyet pse është dashur që të gjunjëzohet Turqia është sepse ka shlyer borxhet.
Sipas tij, Turqia është një vend mik i Shqipërisë dhe aleati më i rëndësishëm ne rajon.
Baleta nënvizoi se: “Një nga arsyet që kanë dashur ta gjunjëzojnë Turqinë është sepse shleu borxhet. Fuqitë e mëdha financiare, korporatat e mëdha nuk të kanë qejf që të mos kesh borxhe. Për ne shqiptarët Turqia nuk është thjeshtë partner. Mua me kanë pyetur se cilët janë miqtë e Shqipërisë. Kam bërë 3 radhë dhe në rrethin e parë ishte Ballkani me Turqinë, i dyti, BE me Gjermaninë, dhe i treti SHBA. Në rajon aleati yni më i rëndësishëm është Turqia. Turqia ka simpati për vendin tonë. Turqia është objektivisht miku ynë. Nuk do të na bëjë keq asnjëherë.”