Ish-kandidatja e primareve për Tiranën në Partinë Demokratike, Adriana Kalaja, ka sulmuar ish-ministrin Fatmir Mediu.
Me ironi, ajo pyet në llogarinë e saj në “Facebook” nëse Mediu vazhdon të jetë në krye të Partisë Republikane apo është emëruar zëvendës i ambasadores Yuri Kim, duke iu referuar qëndrimeve dhe komenteve të fundit në lidhje me diplomaten.
“Mediu vazhdon të jetë kryetari i PR-së apo është emëruar zëvendës i Yuri Kim, alias Merimanga e Zezë?”, shkruan Kalaja.
Kujtojmë se Mediu e konsideroi të nxituar dhe jo normal njoftimin e Ministrisë së Jashtme, ku thuhej se ka nisur procedura për zëvendësimin ambasadores amerikane, Yuri Kim. Në një intervistë, ai u shpreh se kohën e punës së një ambasadori e përcakton vendi përkatës, nuk e përcakton Ministria e Jashtme.