Aeroporti Changi i Singaporit rimori vendin e tij të parë pas një pauze prej dy vitesh në renditjen vjetore të aeroporteve më të mirë në botë.
Aeroporti Changi gjithashtu fitoi çmimin e aeroportit më të mirë në botë në kategoritë e komoditeteve të ngrënies dhe kohës së lirë.
“Aeroporti Changi është i nderuar të shpallet Aeroporti më i mirë në botë për të 12-ën herë. Ky është një inkurajim i madh për komunitetin tonë të aeroportit, i cili qëndroi fort së bashku për të luftuar sfidat e COVID gjatë dy viteve të fundit. Ne i falënderojmë ata për përkushtimin e tyre për t’i shërbyer pasagjerëve të Changit dhe këmbënguljen për ta mbajtur Singaporin të lidhur me botën. Pasagjerëve tanë, u jemi thellësisht mirënjohës për besimin. Mbështetja juaj e vazhdueshme na inkurajon të vazhdojmë të ndjekim përsosmërinë e shërbimit ndërsa zgjerojmë ofertat tona për të ripërcaktuar Eksperiencën Chang”, u shpreh Lee Seoë Hiang, shefi Ekzekutiv i Changi Airport Group në një njoftim.