Afati i regjistrimit të emigrantëve për të votuar në zgjedhjet e 11 majit ka përfunduar. Komisioni Rregullator në Komisionin Qendror të Zgjedhjeve rrëzoi propozimin për të shtyrë me 5 ditë procesin.
“Ndryshimi i rregullave të lojës në momentin e fundit nuk i shërben procesit. Diaspora ka pasur mjaftueshëm kohë për të shprehur vullnetin/të drejtën. Me shtyrjen e afatit thyhet afati prej 63 ditësh”, deklaroi Ilirjana Nano, kryetare e Komisionit Rregullator të KQZ-së.
Helga Vukaj dhe Muharrem Çakaj kërkuan në mbledhjen e Komisionit Rregullator, shtyrjen e afatit deri më datë 9 mars të regjistrimit të emigrantëve.
”Një afat shtesë 5-ditor, gjatë të cilit zgjedhësve që iu është refuzuar kërkesa mund të riaplikojnë, duke plotësuar dokumentacionin dhe kërkesat ligjore, si dhe për zgjedhësit e tjerë të mund të regjistrohen”,-thanë ato.