Situata jashtë ambienteve të Kuvendit është përshkallëzuar, ku janë shënuar incidente të dhunshme mes protestuesve dhe forcave të policisë.
Sipas informacioneve, protestuesit kanë dëmtuar një automjet të Policisë së Shtetit, duke i thyer xhamat dhe duke e goditur me sende të forta.
Policia ka ndërhyrë në terren dhe ka bërë të mundur shoqërimin e disa personave të përfshirë në incidentet e dhunshme.
Gjatë përplasjes, protestuesit kanë hedhur gurë dhe ujë në drejtim të efektivëve të rendit, ndërsa policia është kundërpërgjigjur me gaz lotsjellës dhe ujë me presion për të shpërndarë turmën dhe për të vendosur situatën nën kontroll.