Agron Malaj: Do të jap maksimumin tim për të zhvilluar Matin dhe për të përmirësuar jetën e gjithsecilit

Kryebashkiaku Agron Malaj kërkon mbështetje e banorëve të Matit për të vijuar me punët dhe projektet e mira për Bashkinë e Matit.
Përmes një mesazhi drejtuar zgjedhësve të kësaj zone, Malaj siguron se do të bëjë më të mirën dhe do të japë maksimumin për të zhvilluar Matin dhe për të përmirësuar jetën e gjithsecilit.
Postimi i plotë:
Të dashur matjane dhe matjanë
Teksa na ndajnë pak orë nga çelja e kutive të votimit, unë dua t’ju falenderoj nga zemra të gjithëve për angazhimin dhe punën që keni bërë.
Në këtë fushatë dola para jush me peshën dhe përgjegjësinë për besimin e dhënë dhe për fjalën e mbajtur. Me bilancin e punëve të bëra dhe vetëdijen e plotë për ato të pabëra.
E kam thënë dhe nuk do të lodhem së thëni asnjëherë që besimi i dhënë për të drejtuar Bashkinë e Matit ka qenë nderi më i madh i jetës time.
Dua t’ju siguroj që kam punuar me gjithë sa fuqi kam pasur dhe jam munduar për të bërë më të mirën.
E ndërsa përulësisht ju kërkoj votën për një mandat të dytë, dua t’ju siguroj që do bëj më të
mirën dhe do të jap maksimumin tim për të zhvilluar Matin dhe për të përmirësuar jetën e gjithsecilit nga ne.
Faleminderit nga zemra