Shqetësimi kryesor për banorët e njësive administrative Derjan e Macukull në Bashkinë e Matit ishte gjendja e rënduar e rrugëve rurale.
Prej kohësh investimet në infrastrukturën rrugore janë fokusi kryesor i investimeve nga ana e kësaj njësie vendore.
Sot ka nisur puna për fazën e parë të asfaltimit të segmentit rrugor Burgajet-Derjan-Macukull, ku më pas do vijojë edhe faza e dytë e këtij investimi, konkretisht nga Qafa e Shënkollit (Dukagjin) deri në qendër të fshatit Macukull.
Asfaltimi i kësaj rruge është një investim i shumëpritur nga banorët zonës.
Agron Malaj, kryebashkiaku që loboi ndërtimin e kësaj rruge deklaroi në rrjetet sociale: “Pafund i lumtur që bëhet realitet një ndër investimet kaq të shumpritura dhe e nevojshme në Bashkinë e Matit. Ta gëzojnë banorët!”
Për qytetarët e këtyre zonave Malaj ka ka siguruar investime në rrjetin e energjisë elektrike si dhe ndërtimin e ujësjellësit që u shërben 17 fshatrave.