Deputeti i PD-së Agron Shehaj, në një intervistë për Euronews Albania, ka treguar se përse votoi pak ditë më parë kundër amnistisë penale.
Shehaj theksoi se votimi i amnistisë penale ishte një mesazh për SPAK, ku sipas tij këtij institucioni po u thuhet se ju po i kapni ndërsa qeveria po i liron.
“Nuk më pëlqente të komentoj votën e tjerëve. Ajo që ndodhi në Kuvend ishte kundër SPAK. Jemi në një fazë kur të gjithë pushtetarët po dynden në dyert e SPAK për të dhënë llogari se çfarë kanë bërë. Mazhoranca me urgjencë mblidhet dhe voton amnistinë, shkon në një drejtim totalisht kundër. SPAK po i thuhet se ju i kapni dhe ne po i lirojmë. Për qeverinë SPAK është një rrezik i vërtetë dhe këta e shohin si kërcënim, kjo s’ka diskutim. Sa më shumë SPAK të bëjë detyrën e vet dhe mos të shkojë deri te ministrat aq që më shumë do të kenë reagime nga qeveria”-tha Shehaj.