Një regjisor i ri që kërkonte të bënte një film të quajtur “Albanian Gangster” (Gangsteri shqiptar) shkon në Bronx për të gjetur histori të jetës reale, ku rastësisht takohet me 49-vjeçarin shqiptar John Rezaj.
Rezaj, ishte vetëm 6 vjeç kur përfundoi në Bronx, pasi familja e tij ishte arratisur nga malet nga Shqipëria në vitet ‘70, në një udhëtim që ai e quan të vështirë, dhe bëhet emocional kur e tregon. Dhe më pas rrëfen jetën në Bronx, në lagjen e gangsterëve.
Prestigjiozja New York Times shkruan për historinë e shqiptarit dhe filmin, e regjisorit Matthew A. Brown. Sipas NYT, të dy u takuan rastësisht në një lokal shqiptarësh, ku folën mbi kohët e vjetra në këtë lagje. Nga kjo bisedë, Brown nisi të ndërtojë historinë mbi gangsterin shqiptarë. Një ditë ai i kërkon Rezajt të luajë rolin kryesor.
Tani filmi ka mbaruar dhe po bën xhiron e botës. Rezaj nuk kishte qenë kurrë aktor, nuk kishte bërë trajnime për këtë, dhe papritur e gjen veten në industrinë e filmit.
NYT përshkruan jetën e Rezaj në botën e gangsteërve. Ishte vetëm 15 vjeç kur u përball me botën e krimit. “Duhet të bëhesh dikush tjetër për të mbijetuar. Unë u bëra çfarë kërkonte rruga”, ka thënë ai.
Në moshën 20-vjeçare u përfshi në një sherr me një punonjës poste, të cilin e gjuajti me shkop bejzbolli. Për këtë rast ai bëri 4 vite burg. “Ditë Gladiatori për mua”, thotë Rezaj. E kur u pyet për bandat kriminale shqiptare të Bronx-it, 49-vjeçari nuk rrëfeu nëse ishte i përfshirë por duke folur në përgjithësi tha “Duhet të dalësh nga ajo lloj jete. Jashtë nga këtu, mbrojtja ndaj vetes time nuk mungon. Unë jam i njohur në këtë qytet. Ka njerëz që nuk më kanë qejf. Shumë gjëra nga e shkuara, thjesht nuk zhduken”.
Sot, Rezaj jeton me nënën e tij në Westchester County. Është shofer për Uber. U njoh me regjisorin Brown kur ky i fundit u intigrua nga historia e gangsterëve shqiptarë pasi lexoj për rastin e Alex Rudaj (kreu i një grupi kriminal shqiptar në SHBA), dhe kishte nisur të pyeste nëpër lagje. Historitë e John, që njihet dhe me nofkën J.R sollën dhe skenarin e filmit. “Albanian Gangsters” u xhirua për 12 ditë në Bronx, Queens dhe Brooklyn, dhe tregon historinë e Leon (John Rezaj), një ish “lojtar” i krimit të organizuar i cili fiksohet me vrasjen e një informatori që e dërgoi atë në burg kur sihte i ri, pasi kishte dhunuar një burrë në një lokal.
Gajtë filmit 81 minutësh Leon bëhet i pandjeshëm brenda një vorbulle konjaku dhe kokaine, duke u sjellë si vrasës në dhomat e paraburgimit në rrugë me një pistoletë gjithmonë gati. Aftësia e Rezaj për të shpërthyer me zemërim ndaj një provokimi qoftë dhe më të vogël teksa është në rol, është reale.
“Mund ta bëjë këtë kurdoherë. E vetmja gjë e vështirë në këtë punë ishin orët e përsëritjes”, thotë ai. Rezaj i urrente dublat. “Ishte gjëja më e keqe që dëgjoja”, vijon më tej rrëfimin për New York Times.
Por në fund të filmit, regjisori Brown dhe Rezaj patën mosmarrëveshje për titullin e filmit. “Nuk më pëlqeu fare. Po gjykohem nga ai titull”, thotë Rezaj.
Regjisori Brown reagon duke thënë “Shqiptarët nuk do e pëlqejnë aq shumë, por kushdo tjetër e do”.
Filmi quhet “Gangsteri shqiptar”, përfundon shkrimi i NYT.