Berisha ka folur për akuzat e Bashës për Suel Çelën dhe kërcënimet që ai pretendon se i qenkan bërë liderit të PD nga ish-kryeministri.
“Për Suel Çelën kam mbi 20 e ca statuse, ndërsa Basha jo vetëm që nuk fliste kundër tij, por më kërkonte dhe mua të heshtja për të.
Ai është një megakriminel politik. Për Ramën e kam fjalën, për pengmarrësin e Bashës, cili mori zgjedhjet”, ka deklaruar Berisha.
Njëherësh, ish-kryeministri tha se do të shkojë në selinë e PD sërish: “Unë do të shkoj në selinë e PD, sapo të kemi punë. Prandaj ai (Basha) mbrohet me Gardën dhe me gangsterë. Ai ka frikë se mund ta prekin fizikisht.
Unë e kam marrë vesh se është ankuar tek ambasadat që Berisha i ka kërcënuar vajzat. Është e para herë që dëgjoj një akuzë të tillë. Njëherë ai më tha se e kishin kërcënuar para fushatës fizikisht. Unë i thashë lëri këto, se na prishe fushatën, pasi ka kërcënime po je në politikë.
Pastaj më thonë se është ankuar dhe për mua. Është i sëmurë, nuk më ka shkuare mendja kurrë”, ka deklaruar Berisha.