Në një intervistë për “Drejt” pastori Akil Pano tha se ishte e nevojshëm që të krijohej një aleancë për mbrojtjen e familjes në vendin tonë. Ai u shpreh se marrëdhënia e një burri dhe një gruaje dhe martesa e tyre mes të dy të kundërtave garanton prokrijimin.
Pano: E pamë të nevojshme që në vendin tonë të ndërtohej një lëvizje e kësaj natyre, sepse familja po udhëton në një oqean të trazuar. Numri i divorceve është në rritje dhe braktisja e fëmijëve. Po qashtu po rrëmbehet fokusi duke u zhvendosur raportet vlerore.
Marrëdhënia e një burri dhe një gruaje dhe martesa e tyre mes të dy të kundërtave që garanton prokrijimin. Nuk më shqetësojnë LGBTI+, sepse secili lëviz sipas vizionit që ai ka. Në histori njeriu ka dalë nga rruga nga mënyra më interesante, por është kthyer sërish, sepse krijimi nuk gabon. Kam respekt për orientimin e tyre, por nuk mund të lejoj që të imponohen me agjenda që indoktrinojnë fëmijët se si ta shikojnë veten e tyre. Mund të kemi një djalë dhe i thuhet se nëse një moment ndihet vajzë, është një vajzë. Kjo po ndodh sot në botë me terapi hormonale dhe operacione.