Zef Gjoni, shqiptari që qëlloi bashkëshorten 29 herë me thikë, është dëuar me 19 vite burg nga Gjykata në Britaninë e Madhe.
28-vjeçari tentoi edhe të mbysë Denisa Fulin, shtetase rumune, me një batanije, por për fat të mirë ajo mbijetoi.
Ajo u sulmua në shtëpi më 1 prill 2020, në javën e dytë të izolimit. Atë ditë, Gjoni i kishte thënë se “sot ose do vdesësh ti dhe unë do të shkoj në burg, ose do vdes unë dhe ti do të shkosh në burg”.
Natën, Fuli u zgjua nga gjumi dhe e pa veten të lidhur. Prokuroria tha se Gjoni e goditi vazhdimisht me dy thika që i kishte marrë në kuzhinë, ndërkohë që e pyeste: Akoma nuk ke vdekur?
Pas krimit, ai telefonoi urgjencën duke thënë se kishin pasur një sherr dhe se ajo kishte tentuar të vriste veten me thikë.