Një aksident i rëndë, me pasoje plagosjen e dy personave ka ndodhur sot në mbrëmje në aksin FushëKrujë-Krujë.
Sipas informacioneve mësoeht se në aksident është përfshirë një makinë tip Huyndai, me targa AA 535 RS që drejtohej nga shtetasi i identifikuar si Agron Çela.
Mësohet se shkak është bërë mungesa e ndriçimit në rrugë dhe kushtet jo teknike të motoçikletës. Te plagosurit janë dërguar me urgjencë në spitalin e traumës në Tiranë ku ndodhen jashtë rrezikut për jetën.
“Rreth orës 21:25, në aksin rrugor Krujë -Fushë Krujë, shtetasi A.Ç., duke lëvizur me automjetin e tij është përplasur me një motoçikletë që drejtohej nga shtetasi Sh.P.Si pasojë e këtij aksidenti është dëmtuar drejtuesi i motoçikletës dhe pasagjerja e tij, shtetasasja A.P., rreth 30 vjeçe, të cilët u transportuan në spital dhe ndodhen jashtë rrezikut për jetën. Drejtuesi i automjetit u shoqërua në Komisariat për veprime të mëtejshme. Grupi hetimor ndodhet në vendin e ngjarjes dhe po punon për përcaktimin e shkakut të aksidentit”, shkruhet në njoftim.