MEMALIAJ- Një aksident i rëndë me pasojë vdekjen ka ndodhur paraditen e sotme në Memaliaj.
Sipas informacioneve policore një automjet i tonazhit të rëndë që përdoret për shpime për nxjerrjen e ujit është përmbyur dhe ka zënë poshtë drejtuesin, 50-vjeç.
Aksidenti është regjistruar në fshatin Qesarat. Grupi hetimor po punon për zbardhjen e shkaqeve të aksidentit.
NJOFTIMI I POLICISË:
Rreth orës 10:30, në fshatin Qesarat, Memaliaj, një automjet i tonazhit të rëndë (automjet shpimi për nxjerrjen e ujit) që drejtohej nga shtetasi L. N., rreth 50 vjeç, në një rrugë dytësore të hapur rishtazi, aksidentalisht është përmbysur dhe ka zënë poshtë shtetasin L. N., i cili për pasojë ka humbur jetën.
Grupi hetimor po punon për sqarimin e rrethanave dhe përcaktimin e shkakut të aksidentit.