Një aksident ka ndodhur para pak minutash në aksin rrugor Gjirokastër-Tepelenë, duke shkaktuar plagosjen e katër personave përfshirë edhe drejtuesit e mjeteve.
Një automjet Mercedez-Benz duket se i ka prerë rrugën një automjeti tjetër me targa ‘AB704CR’.
Përplasja nuk ka qenë përballë, por anësore çka evitoi një tragjedi. Për pasojë janë lënduar drejtuesit e mjeteve respektive, si dhe dy pasagjerë të cilët janë dërguar menjëherë në Spitalin e Gjirokastrës për mjekim të specializuar.
Policia Rrugore ndodhet në vendngjarje për të zbuluar shkakun e aksidentit.