Një aksident i rëndë ka ndodhur në aksin Tepelenë-Gjirokastër. Një 33-vjeçar ka ndërruar jetë pasi makina me të cilën udhëtonte ka dalë nga rruga dhe ka përfunduar disa metra poshtë saj.
“Rreth orës 21:15, në aksin nacional Tepelenë-Gjirokastër, në afërsi të Urës së Leklit, automjeti tip “BMV”, me drejtues shtetasin L. I. ka dalë nga rruga dhe ka përfunduar disa metra poshtë rrugës. Për pasojë ka ndërruar jetë drejtuesi i mjetit, shtetasi L. I., 33 vjeç, banues në fshatin Hormovë, Tepelenë. Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.”-njofton policia.