Një tjetër aksident është regjistruar mëngjesin e kësaj të hënë ne vend.
Një kamion i pastrimit të qytetit të Laçit ka humbur kontrollin dhe është përmbysur në anë të rrugës. Ngjarja ka ndodhur në aksin “Lezhë-Shkodër”, pranë fshatit Mabe.
Drejtuesi i mjetit ka marrë lëndime të lehta, por pa rrezik për jetën.
Sipas të dhënave kamioni ishte i mbushur me mbeturina dhe po shkonte në landfillin e Bushatit. Policia ndodhet në vendin e ngjarjes dhe po heton shkaqet e këtij aksidenti, nga i cili është krijuar dhe trafik i rënduar.