Një aksident rrugor është regjistruar paraditen e sotme në segmentin Milot-Rrëshen, pranë Rubikut.
Sipas informacioneve paraprake, një automjet është përplasur me një kamion, ndërsa si pasojë e përplasjes kanë mbetur të plagosur katër persona.
Të lënduarit janë transportuar me urgjencë në spital, ku po marrin ndihmën e nevojshme mjekësore.
Në vendngjarje kanë mbërritur shërbimet e Policisë, të cilat kanë nisur hetimet për të zbardhur shkaqet dhe rrethanat e aksidentit.