PEQIN- Një aksident i rëndë ka ndodhur mëngjesin e sotëm në aksin Peqin- Elbasan. Një automjet tip “Benz” është përplasur me një furgon pasagjerësh, i drejtuar nga shtetasi Anesti Bufi.
Si pasojë e përplasjes kanë ndërruar jetë në vendin e ngjarjes, drejtuesi dhe pasagjerja e automjetit tip “Benz”, të cilët sipas raportimeve janë nënë e bir. Kanë qenë zjarrfikësit që kanë ndërhyrë për të nxjerrë trupat e viktimave të cilët ngelën të bllokuar në automjet.
Të plagosur kanë mbetur drejtuesi i furgonit dhe 4 pasagjerë që udhëtonin me furgon, të cilët janë transportuar në spitalin e Elbasanit për ndihmë mjekësore dhe ndodhen jashtë rrezikut për jetën. Policia po punon për zbardhjen e plotë të shkaqeve të aksidentit.