Një person është lënduar rëndë mbrëmjen e kësaj të marte në një aksident rrugor të ndodhur në supërstradën Lezhë-Tiranë.
Burime për tirananews.al bëjnë me dije se ngjarja ka ndodhur në vendin e quajtur Rrilë, ku një automjet ka përplasur një këmbësor i cili ndodhet në gjendje të rëndë në spital.
Njoftimi i policisë
Rreth orës 20:15, në aksin rrugor Lezhë-Milot, në vendin e quajtur “Kryqëzimi i Rrilës” , automjeti me drejtues shtetasin A.I., banues në Shkodër ka përplasur këmbësorin shtetasin Pal Vathi. , banues në Lezhë, i cili për pasojë ka ndërruar jetë.
Drejtuesi i automjetit është shoqëruar në Komisariatin e Policisë Lezhë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.