Një aksident është shënuar pasditen e të shtunës në aksin rrugor Elbasan-Peqin në afërsi të fshatit Bradashesh, ku një fugon nga Vlora është përplasur me një mjet nga Elbasani. Për pasojë është plagosur pasagjeri që ndodhej në automjetin nga Elbasani.
NJOFTIMI
Elbasan/ Informacion paraprak
Në aksin rrugor Elbasan- Peqin, në fshatin Bradashesh, mjeti fugon tip “Benz”, me drejtues shtetasin A.Gj., 27 vjeç, banues në Vlorë, është përplasur me mjetet tip “Volksëagen”, me drejtues shtetasin G.M., 37 vjeç, banues në Elbasan dhe me mjetin tip “Benz”, me drejtues shtetasin Gj.H., 51 vjeç, banues në Tiranë.
Si pasojë e aksidentit është plagosur pasagjeri i mjetit “Volksëagen” shtetasi Q.M., 56 vjeç, banues në Elbasan , jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.