Një aksident ka ndodhur mesditën e sotme në afërsi të rrethrrotullimit të Kolonjës në daljen e rrugës për Bubullimë.Një mjet tip “Benz”, që udhëtonte nga Bubullima për në autostradë nuk ka mundur të hyjë në rrugë por ka shkuar drejt dhe pasi ka kaluar dy barrierat e hekurta që ndajnë autostradln ka përfunduar në kanalin anësor të autostradës.
Drejtuesi i mjetit K.H është transportuar me urgjencë drejt spitalit të Lushnjës ku ndodhet nën kujdesin e mjekëve.
Policia ndodhet në vendin e ngjarjes. Ndërkohë priten ekspertët për të kryer procedurat dhe për të zbardhur shkaqet e këtij aksidenti.
Nga të dhënat paraprake dyshohet se drejtuesi i mjetit ishte me shpejtësi tepër të lartë dhe nuk ka kryer fare manovër frenuese por ka thyer dy barrierat e hekurta në autostradë.
