Një aksident është shënuar sot në aksin rrugor Korçë-Pogradec ku një kamion është përplasur me një autobus. Për pasojë është lënduar drejtuesi i autobusit, i cili po merr ndihmë mjekësore në spital. Ndërkohë grupi hetimor ka nisur hetimet për të zbardhur shkaqet e aksidentit.
Njoftimi i policisë:
Më datë 12.05.2023, rreth orës 13:00, në aksin rrugor “Korçë-Pogradec”, pranë fshatit Vloçisht, Maliq, automjeti kamion tip “Volvo” me drejtues shtetasin V. M., është përplasur me automjetin autobus tip “Benz” me drejtues shtetasin G. M.
Për pasojë është dëmtuar drejtuesi i autobusit shtetasi G. M., i cili po transportohet për ndihmë mjekësore, në spitalin e Korçës.
Me drejtuesin e automjetit kamion, shtetasin V. M., po kryhen veprimet e mëtejshme procedurale.
Grupi hetimor po punon për zbardhjen e rrethanave dhe përcaktimin e shkaqeve të aksidentit.