Një aksident është regjistruar pak minuta më parë në vendin e quajtur “kthesa e NSHG-së në Berat”. Dy automjete, njëri BMW me targa AA 866 KV dhe tjetri Fiat me targa AB 102 BS, janë përplasur me njëri-tjetrin dhe pas përplasjes kanë përfunduar në trotuarin anash rrugës.
Si pasojë e përplasjes janë plagosur lehtë dy drejtuesit e mjeteve, të cilët kanë marrë mjekim në spitalin e Beratit dhe janë jashtë rrezikut për jetën. Në momentin e aksidentit zona ku ndodhi ngjarja ka qënë tejet e populluar, por fatmirësisht nuk ka pasur asnjë kalimtarë të lënduar edhe pse mjetet janë zvarritur disa metra në asfalt pas goditjes.