Një 80-vjeçar ka humbur jetën si pasojë e përplasjes nga një motoçikletë. Informacionet e para bëjnë të ditur se ngjarja ka ndodhur në aksin Sukth-Kullë.
Një 18-vjeçar që drejtonte motoçikletën e tij është përplasur me këmbësorin H.P., 80 vjeç nga Sukthi. Për pasojë, në spital janë drejtuesi i motoçikletës, pasagjeri i tij, gjithashtu 18 vjec dhe i moshuari. Ky i fundit fatkeqësisht ka ndërruar jetë.
Informacion Paraprak.
Më datë 08.03.2019, në aksin rrugor Sukth -Kullë, shtetasi B.T., 18 vjeç , duke drejtuar motoçikletën e tij, është përplasur me shtetasin këmbësor H.P., 80 vjeç , banues në Sukth.
Për pasojë janë aksidentuar dhe ndodhen në Spital drejtuesi i motoçikletës, pasagjeri i tij shtetasi V.L., 18 vjeç si dhe shtetasi këmbësor H.P., i cili ka ndërruar jetë në Spital.
Grupi Hetimor ndodhet në vendngjarje dhe po punon për zbardhjen e shkakut të aksidentit.