Aksident tragjik! 12 viktima dhe 26 të plagosur nga rrëzimi i një autobusi

Një aksident i rëndë ka ndodhur ditën e sotme në Turqi, ku një autobus që po transportonte emigrant nga Afganistani, Pakistani dhe Bangladeshi, u rrëzua në lindje të Turqisë.

Aksidenti ndodhi në qarkun Muradije të provincës Van, pranë kufirit të Turqisë me Iranin, ku autobusi shpërtheu në flakë pasi ra në një greminë.

Deri më tani janë konfirmuar 12 viktima dhe 26 të plagosur, por ekipet e shpëtimit po vijojnë kërkimet nëse ka trupa të tjerë të pajetë nën rrënojat e autobusit.