Shtatë persona kanë humbur jetën këtë të hënë në një aksident në provincën lindore Ağrı të Turqisë. Autobusi u përplas me dy kamionë të cilët pak para këtij aksidenti ishin përplasur në rrugë.
Zjarrfikësit arritën të shuanin zjarrin në autobus, në të cilin ndodheshin 21 persona. Policia njoftoi se në vendngjarje kanë humbur jetën shtatë persona, ndërsa disa persona kanë mbetur të plagosur dhe janë transportuar në spital.
Qarkullimi është bllokuar, ndërsa janë duke u kryer hetime në vendin e aksidentit.