Një 26-vjeçare shqiptare shqiptare ka humbur jetën në mënyrë tragjike në Itali.
Bëhet fjalë për shtetasen Anila Grishaj, e cila ishte duke punuar në një kompani që merrej me prodhimin dhe tregtimin e ushqimeve të ngrira.
Ngjarja ka ndodhur në Pieve di Soligo, dhe sipas mediave italiane, 26-vjeçares i ka ngecur koka në një prej makinerive.
Edhe ndërhyrja për ta ndihmuar ka qenë e shpejtë, goditja mësohet se ishte fatale.
Nuk dihet nëse bëhet fjalë për një mosfunksionim të makinerisë apo nëse tragjedia është shkaktuar nga mungesa e rregullores së sigurisë dhe pajisjeve për mbrojtjen e punëtorëve.
Tragjedia i ngjan shumë vdekjes së Luana D’Orazio, punëtores 22-vjeçare, nënë e një fëmije, e cila vdiq e shtypur brenda një makinerie deformuese në vitin 2021, në Prato, gjatë turnit të saj të punës në kompaninë e tekstilit që e kishte punësuar si praktikante.