Një ngjarje e rëndë ka ndodhur mbrëmjen e djeshme në Itali, ku një 17-vjeçar ka humbur jetën pasi u godit me makinë nga një polic.
Sipas asaj që njoftojnë mediat italiane, polici 28-vjeçar është vënë në pranga pas ngjarjes. Ai ishte me detyrë në Komisariatin e Policisë Treviso.
Në momentin e aksidentit, 17-vjeçari po lëvizte me skuter. Ai quhej Davide Pavan dhe jetonte në qytetin fqinj, Morgano.
Ndërkohë, “Ansa” shkruan se polici pas testit të alkoolit, rezultoi se kishte një përqindje më të lartë se ajo që është e parashikuar me ligj për drejtuesit e makinave.