Në këto ditë të vështira për të gjithë ka njerëz që kanë nevojë për ndihmë dhe janë ata që janë në nevojë, apo të moshuar që jetojnë vetëm.
Gent Hazizi, aktori i njohur shqiptar ka vendosur të bëhet vullnetar në luftën kundër COVID-19 në ndihmë të personave në nevojë në këtë periudhë. Përmes një postimi në Instagram, Genti thotë se nuk ka aftësinë e një mjeku apo infermieri, por di të ngasë makinën dhe mund të shërbejë si shofer për shpërndarjen e ndihmave për të moshuarit.
“Me këtë foto të patentes sime po i drejtohem Autoriteteve! Kam 16 dite i mbyllur ne shtepi dhe baba i 3 femijeve. Jane mobilizuar ne kete lufte e po sakrifikojne shume prej nesh e Mirenjohje per te gjithe Ata qe jane ne vijen e pare! Une nuk jam i afte as si infermier e as si mjek por jam i afte te ngas makinen. Dua te ofrohem vullnetar qofte si shofer ose per çdo lloj pune tjeter ne shperndarje ushqimesh ose dhe per ti bere pazarin pensionisteve tek njesia 5 ne ate ore leje qe do kemi nga e hena! Nuk do surprizohesha aspak sikur te me merrte Kryeministri,Kryetari i Bashkise apo Ministrja e Shendetsise ne telefon e te me thoshte: Artisto bravo, nlufte jena por Ti na duhesh qe trrish mshpi e kshu ke bo detyren tate! Sinqerisht do surprizohesha e do e falenderoja nese dikush me mer e me thote: Artisto kena pune per ty si shofer ambulance,duhet te shperndash keto ushqime ose bej pazar per pensionistet e njesise 5 se vetem 1 ore leje ke! Vullnetarisht do e beja pa asnje pagese!”, shkruan Genti.