Talenti i tij në fushën e aktrimit e ka bërë Nik Xhelilajn të suksesshëm edhe jashtë kufijve shqiptarë. Aktori jeton prej disa kohësh në Gjermani aty ku po merret dhe me projekte kinematografike. Në bazë të roleve dhe xhirimeve, e shohim shpesh Nikun të jetë në lëvizje në vende të ndryshme.
Përpos angazhimeve të shumta në aktrim, Nik nuk harron që herë pas here të postojnë në rrjetin social “Instagram” foto apo video nga përditshmëria e tij, duke bërë kështu që fansat ta ndjekin virtualisht dhe të mësojnë diçka më shumë për të përveç aktrimit.
Vetëm pak më parë Nik na ka zbuluar se aktrimi nuk qenka talenti i tij i vetëm. Falë një videoje në Instagram aktori na tregon se i bie kitarës duke na rrëfyer gjithashtu se ka filluar të marrë leksionet e para në këtë instrument.
“Leksioni nr.1- për një fillestar do duhet ta pëlqesh dhe unë e pëlqej. Antistress dhe kalon kohën. E rekomandoj”- shkruan ai duke dhënë kështu një këshillë shumë të mirë për ndjekësit e tij.
Nëse Nik ia merr dorën kitarës, pse jo presim prej tij dhe të performojë në rolet që mund të marrë në filmat apo serialet ku angazhohet. Nëse jo në filma, mjaftohemi me video të tilla në Instagram që na tregojnë se artistët e vërtetë janë ‘multitalent’!