Aktorin i Teatrit të Durrësit, Ervin Doko Wshtë shpallur në kërkim nga policia. Kjo pasi nga sa bëjnë me dije burime zyrtare, 39-vjeçari pasi ka patur një sherr me 36-vjeçarin E. G, e ka goditur këtë të fundit me sende të forta.
Ndërkohë raportohet se uniformat blu po punojnë për arrestimin e tij. Doko është aktor i njohur për publikun shqiptar, pasi pak muaj më parë ishte protagonist në serialin e aktorit Ermal Mamaqi, të titulluar “HOT”.
Njoftimi i Policisë:
Specialistët për Hetimin e Krimeve në Komisariatin e Policisë Nr. 6 bënë shpalljen në kërkim dhe po punohet për kapjen e shtetasit E. D., 39 vjeç, për veprën penale “Plagosja e rëndë me dashje”, pasi gjatë një konflikti për motive të dobëta, ka goditur me sende të forta shtetasin E. Gk., 36 vjeç. Punohet për kapjen e tij.
Materialet i kaluan Prokurorisë, për veprime të mëtejshme procedurale.