Në protestën e opozitës janë dhe aktorët që kundërshtojnë prishjen e Teatrit Kombëtar. Por për ta, nuk ka rëndësi se kush e organizon protestën, por kauza, ajo e mbrojtjes së të drejtës dhe dinjitetit të qytetarëve. Kështu është shprehur aktori i njohur Neritan Liçaj.
“Kjo nuk është kauza e PD. Është protesta e këtij vendi. Protestohet për të drejtat, nga PD, nga artistët, nga të pastrehët. S’ka pikë rëndësie kush e organizon. Për mua ka rëndësi të mbrohet e drejta dhe dinjiteti i qytetarëve. Kjo është e rëndësishme për mua”, tha Liçaj për News 24.