Ina Gjonçi është aktorja e njohur shqiptare e cila ka interpretuar në drama dhe në komedi shqiptare, dhe nuk ka munguar me role në disa skena teatrore, mes tyre dhe festivale të ndryshme teatrore.
E ftuar në emisionin “ThumbON” në RTV Ora ajo ka folur për punën më të çuditshme që ajo ka bërë kur ka shkuar në Itali.
Aulona Musta: Cila ka qenë puna më e çuditshme që ke bërë?
Ina Gjonçi: Nuk ju jap dot një përgjigje bombastike i shembullit kam shitur fiq, por kam një histori tjetër. Kur unë vajta në Itali, në fillim jetova nja 6 muaj në hotel sepse nuk pranoja të jetoja me asnjë, isha pak e llastuar. Dhe nga hotele mesatarisht të mira përfundova në një nga super hotelet më të mira ku vini njerëz nga e gjithë bota. Për të paguar natën në këtë hotel shumica punonin aty si recepsionist etj dhe unë kam punuar në recepsion.