Tragjedi e tmerrshme në Itali. Një masë gjigante akulli është shkëputur nga mali duke lënë 6 persona të vdekur, tetë të plagosur (dy të huaj) dhe disa të tjerë janë zhdukur. Ngjarja tronditëse ndodhi në majën e malit Marmolada në Itali.
Formacioni i akullit që u shkëput nga maja e Marmolada ra mbi litarët e alpinistëve që po ngjiteshin në majë. Raportohet se më 2 korrik në Marmolada temperaturat ishin rritur me rreth 10 gradë në majë.
Shtatë të plagosur u dërguan në spitalet e Belluno, Treviso, Trento dhe Bolzano ndërsa një është në gjendje kritike. Njësitë e qenve janë në kërkim të të zhdukurve. Situata është e rrezikshme sepse ekziston rreziku i shembjeve të mëtejshme. Tetëmbëdhjetë persona u evakuuan nga majat e Punta Rocca dhe të gjithë ata që ishin më poshtë u kthyen.