Gjashtë vite burg ka vendosur gjykata e Kukësit për këngëtaren nga Kosova, Fjolla Morina. Ajo u arrestua në pikën kufitare të Morinës teksa iu gjetën dy armë me vete.
Avokatja e këngëtares Aurora Guska, është shprehur se vendimi i gjykatës do të ankimohet. Guska u shpreh se Fjolla ka pasur në çantë vetëm një armë, edhe atë aksidentalisht.
“Vendimin e gjykatës do ta ankimojmë. Ka pasur vetëm një armë, e ka pasur pa dashje, aksidentalisht në çantën e saj,” u shpreh avokatja.
Fjolla aktualisht është ende në kërkim nga policia, por në fakt në rrjetet sociale është mjaft aktive. Së fundmi ka bërë të ditur se është martuar me Fisnik Sylën, me të cilin u ndaluan bashkë në kufi. Fotot e fundit janë nga pushimet e saj ekzotike në Maldive.