Një oficer policie nga Swansea i Uellsit jugor është dënuar me 3 vjet e 6 muaj burg për shkak se përdori detyrën e tij duke u përpjekur të akuzojë ish të dashurën e vet për vrasje të një shqiptari dhe për shpërndarje droge.
Abubakar Masum, 24 vjeç, akuzoi pa fakte ish-të dashurën e tij, Mia Pitman, 23 vjeç, për një sërë krimesh në informacione anonime, si një formë hakmarrjeje pasi ajo vendosi të ndahej nga ai.
Policia prangosi studenten Pitman ndërsa kjo e fundit ishte në punën e saj me kohë të pjesshme, si dhe i bastisën asaj banesën për kontroll.
Gjykata e Cardiff Croën dëgjoi se Masum ishte ‘i fiksuar’ pas zonjës Pitman, e cila i dha fund lidhjes së tyre pasi mësoi se ai kishte ngacmuar një grua tjetër.
Pasi u nda me të, Masum filloi të bënte pretendime ‘të rreme, të pavërteta dhe dashakeqe’ kundër saj dhe burrave të tjerë në thirrje anonime.
Pitman, një studente e kriminalistikës që donte të hynte në forcat e policisë, u akuzua se kishte qëlluar për vdekje një gangster shqiptar, duke fshehur një armë në kopshtin e saj.
Por pas hetimeve, policia zbuloi se gjithçka ishte një trillim i policit të fiksuar pas saj.