Akuzat nga kryeministri Albin Kurti ndaj Mirosllav Lajçak, nuk kanë gjetur mbështetje nga Shtetet e Bashkuara, pasi kanë besim të plotë në Bashkimin Europian sa i përket ndërmjetësimit të dialogut mes Kosovës dhe Serbisë.
Ambasadori amerikan në Prishtinë, Jeffrey Hovenier, gjatë një fjalimi të mbajtur në edicionin e dytë të Samitit të Paqes dhe Demokracisë që po mbahet në Prishtinë tha se SHBA ka besim të plotë te Josep Borrell dhe Mirosllav Lajçak,, të deleguar për dialogun Kosovë-Serbi
“SHBA-ja ka besim të plotë në BE-në në ndërmjetësimin e saj të dialogut, SHBA-ja ka besim të plotë në përfaqësuesin e lartë të BE-së, Josep Borrell dhe përfaqësuesin e posaçëm për dialogun Kosovë-Serbi, Mirosllav Lajçak, si zbatues objektivë të kësaj politike”, tha Hovenier.
Kryeministri i Kosovës, Albin Kurti, akuzoi ndërmjetësin evropian të dialogut për normalizimin e raporteve me Serbinë, Mirosllav Lajçak se është “pozicionuar” kundër Kosovës.