Sali Berisha këtë të premte në konferencën me gazetarët, ka folur sërish për vrasjen e Pjerin Xhuvanit në Elbasan, pas arrestimit të dy zv/drejtorëve të Policisë. Për të Xhuvani u vra për herë të dytë nga kryeministri Edi Rama dhe Taulant Balla dhe nga Gazment Bardhi, pasi tentuan ta fshihnin mbyllnin këtë ngjarje kriminale.
“Së pari ngjarja e Elbasani është një nga ngjarjet kriminale më të rënda të këtij vendi në të cilin rezultojnë se është i implikuar vetë kryeministri Rama, ministri Çuçi, drejtori i policisë, Ardi Veliu, janë të implikuar 2 zv/drejtorë, prokurorë të Elbasanit dhe pa asnjë diskutim në rrafshin politik, njeriu më përgjegjës është Taulant Balla dhe përgjegjësi ka për ngjarjen dhe Gazmend Bardhi.
Kam shumë statuse për këtë cështje që vinin në kundërshtim me komunikatat e narkoshtetit. Unë nuk isha në vendngjarje, por nga ato që lexoja kuptova se kemi të bëjmë me një akt kriminal që po mbulohej nga shteti“.