Ish-kryeministri çek Andrej Babis është shpallur i pafajshëm nga një gjykatë në Pragë.
Babis ishte akuzuar për mashtrim me subvencione të Bashkimit Europian në vlerën e 2 milionë dollarëve. Prokuroria kishte kërkuar dënimin me kusht për 3 vjet dhe një gjobë prej 440 mijë dollarësh për ish-kryeministrin dhe mund ta apelojë vendimin e gjykatës.
Babis kishte deklaruar se ishte i pafajshëm dhe se akuzat ndaj tij ishin ngritur për qëllime politike.
Vendimi i gjykatës duket se forcon pozitat e zotit Babis pak ditë para raundit të parë të zgjedhjeve presidenciale në Çeki.