Ndeshja mes Juventusit dhe Interit në Kupën e Italisë është mbyllur me shkëndija, ku protagonist është bërë një “ish” i madh si Antonio Konte. Dikur iknë e Juvetusit si lojtar e trajner, ai është në stolin e zikaltërve dhe nuk ka ngurruar që të shkëmbejë batuta e ofendime me drejtuesit e skuadrës gjatë ndeshjes,
Mediat italiane raportojnë se ai i ka drejtuar gishtin e mesit presidentit Andre Anjeli gjatë sfidës dhe kjo ka sjellë edhe reagimin e këtij të fundit. Vetë Konte, argumentoi se nuk kishte bërë asgjë për një situatë të tillë si ajo që u krijua.
“Te Juventusi duhet të thonë të vërtetën. Mendoj se gjyqtari i katërt ka dëgjuar dhe ka parë se çfarë ka ndodhur gjatë të gjithë ndeshjes. Sipas meje duhet të jenë më të edukuar. Duhet më shumë sportivitet dhe respekt për ata që punojnë”, ishin fjalët e Kontes pas duelit, duke komentuar polemikat në distancë me ish-punëdhënësit e tij.