I dyshuari për përdhunimin e 11-vjeçares në Kosovë pak ditë më parë, Ekrem Rexhepi është sulmuar fizikisht nga të burgosurit në qendrën e paraburgimit në Prishtinë.
Mediat në Kosovë raportojnë se 26-vjeçarit i është ndërruar qendra e paraburgimit, pasi i rrezikohet jeta.
Avokati i tij, Fitim Limani bëri me dije se Rexhepi është transferuar në Burgun e Sigurisë së Lartë në Dyz të Podujevës.
“Gjendja e tij s’është e mirë, mbrëmë kam marrë informatë prej gjykatës që ai ndodhet në burgun e Sigurisë së Lartë, është transferuar nga Prishtina pasi ka qenë i sulmuar nga të burgosurit e tjerë. Transferimi ka ndodh meqenëse i është rrezikuar edhe jeta, për shkak të sulmeve që ka pasur nga të burgosurit e tjerë, ia kanë ndërru pra qendrën e paraburgimit”, tha avokati.