Zbardhet dëshmia e Filip Talos, i cili është thirrur sot në Prokurorinë e Tiranës, ku është pyetur për kallëzimin e Ilir Metës kundër Autoritetit të Dosjeve.
Gazetarja Klodiana Lala raporton për BalkanWeb se emri i Talos u la si detyrë nga gjykata që të merret në pyete. “Iu qëndroj pretendimeve që kam bërë dhe nuk dua të shqetësohet me familja ime”, mësohet të ketë deklaruar Talo, i cili u pyet për kallëzimin e Metës kundër autoritetit të Dosjeve.
Duke u ndalur të rasti në fjalë ai tha se; “për rastin konkret kam dhënë shpjegime para Autoritetit të Dosjeve dhe ambasadës dhe s’dua të shqetësohem me për këtë çështje”.Në qershor të vitit të kaluar Gjykata e Apelit detyroi përfundimisht Prokurorinë të regjistronte procedim penal ndaj Autoritetit të Dosjeve, pas kallëzimit të bërë kundër këtij institucioni, nga ish-presidenti Ilir Meta.
Meta bëri kallëzim ndaj këtij institucioni më 6 shtator 2022, pas akuzave dhe dyshimeve se ka qenë bashkëpunëtor i Sigurimit të Shtetit.
Ish-kreu i Shtetit sqaroi në kallëzim se ka marrë certifikatën e pastërtisë së figurës nga dy komisionet e ngritura në vitet ’90, si dhe nga vetë Autoriteti i Dosjeve në prill të vitit 2017, çka e përjashton nga detyrimi për t’u verifikuar sërish.
Në korrik të 2022-shit, pas një kërkese të mbërritur në e-email për të verifikuar ish-presidentin, Autoriteti i Dosjeve njoftoi Kuvendin se ka ndeshur me informacione dhe të dhëna mbi personazhin me profil të lartë politik.