Koronavirusi mund të jetë shumë i rrezikshëm dhe mund të shkaktojë probleme të rënda shëndetësore edhe te të rinjtë.
Mjeku pneumolog Adrian Jorgji tregon se ka diagnostikuar me pneumoni në të dyja mushkëritë edhe pacientë që ende nuk i kishin mbushur 20 vjeç.
“Të rinjtë humbasin tek vigjilenca, neglizhenca dhe për shkak se Komuniteti shkencor-mjekësor ka thënë se të rinjtë e kalojnë lehtë dhe nuk duhet të ketë ndonjë merak të madh për ta. Kjo nuk është kështu sepse për shumë muaj kam parë plot të rinj me shumë probleme. Po t’i referohemi Greqisë, mosha mesatare e të intubuarëve në reanimacion ishte 39-vjeç”, thotë mjeku për Abc News.
Ndërkohë pneumologu shprehet se po flitet për një valë të tretë virusit në muajin mars, ndërkohë që Komiteti i ekspertëve tha ditën e djeshme se në fund të muajit janar pritet rritje e rasteve me COVID.
“Bota flet për një valë të tretë diku nga marsi. Koronavirusi nuk ka ndryshuar, të paktën në klinikën time të përditshme, intensiteti është i njëjtë po ashtu edhe prurja e rasteve është e njëjtë”, shprehet mjeku Jorgji.