Philip Alston, relatori special i OKB, jep alarmin mbi varfërinë ekstreme dhe pasojat e saj. Planeti në fakt, rrezikon një “aparteid klimatik” ku të pasurit kanë mjetet për t’i shpëtuar urisë ndërsa “pjesa tjetër e botës është lënë të vuajë”. Alston, në raportin e tij në Këshillin për të Drejtat e Njeriut, i gjykon masat e mara nga Kombet e Bashkuara të pamjaftueshme për të shpëtuar tokën “nga katastrofa e afërt”.
Australiani Alston është pjesë e një grupi ekspertësh të pavarur të Kombeve të Bashkuara. Paralajmërimi kyç i raportit, bazuar në kërkimet e fundit shkencore dhe i prezantuar në Gjeneve, është se të varfrit në botë rrezikojnë të goditen më shumë gjatë rritjes së temperaturave dhe mungesa e mundshme e ushqimit, dhe konfliktet që mund të shoqërojnë këtë ndryshim.
Parashikohet që kombet në zhvillim të vuajnë të paktën 75% të kostove të ndryshimeve klimaterike, pavarësisht faktit se gjysma më e varfër e popullatës së botës në përgjithësi gjeneron vetëm 10% të emëtimeve të CO2.
“Climate change, 120 milionë të varfër të rinj brenda 2030”- “Ndryshimi i klimës kërcënon anulimin e 50 viteve të fundit të zhvillimit, në shëndetin botëror dhe reduktimin e varfërisë”, ka thënë relatori special i OKB-së mbi varfërinë ekstreme dhe të drejtat e njeriut. Alston ka paralajmëruar se ndryshimi i klimës “mund të çojë në mbi 120 milionë njerëz në varfëri ne 2030. “Edhe sot shumë vende po bëjnë hapa qorre në drejtim të gabuar”, ka thënë ai.