Është mbajtur sekret kontrolli blic i ushtruar nga Drejtoria e Përgjithshme e Burgjeve në Burgun e Sigurisë së Lartë Burrel.
Mësohet se një natë më parë efektivë të Policisë së Burgjeve kanë ushtruar kontroll të rreptë në të gjitha e qelitë e vuajtjes së dënimit. Shkak për aksionin e befasishëm është bërë “lajmi” se i dënuari Admir Tafili tenton arratisjen nga qelitë e Burgut të Burrelit.
Burime pranë këtij institucioni bënë me dije se nuk është ende e qartë nëse ndihma është kërkuar nga zyrtarët e Burgut të Burrelit apo Drejtoria e Përgjithshme e Burgjeve ka patur informacion se i dënuari problematik tenton arratisjen nga ky burg.
Sakaq nuk ka të dhëna çfarë është konstatuar nga dhomat e të dënuarve VIP. Por gatishmëria në këtë burg është rritur ndjeshëm, sidomos dy ditët e fundit. Një problem tjetër me të cilin po merret DPB është kalimi në “sitë” i gardianëve të Burgut të Burrelit, për të shkëputur çdo lidhje të mundëshme me të burgosurit, për të larguar personat që kanë paraqitur deftesa fallso dhe personat me preçedentë penal. /tirananews.al/