Alarmohet Greqia: Kemi vendosur bomba në parlament dhe tre ambasada! Shpërthejnë në 11:30

Greqia është ngritur në këmbë, nga një alarm për bombë. Ky alarm është dhënë mëngjesin e sotëm, ku autoritetet greke morën një kërcënim se në Parlament, në ambasadën e Izraelit, Egjiptit dhe SHBA-së janë vendosur bomba. Persona të paidentifikuar kanë telefonuar dhe kanë raportuar se në orën 11:30 bombat do shpërthejnë në këto katër vende. Forcat TEEM (Departamenti i Asgjësimit të Mjeteve Eksplozive) ndodhen në vendngjarje. Pas kontrollit jashtë ambasadave nuk u gjet asgjë. Po vijon një kontroll i brendshëm.