Prej ditësh interneti po zien pas videos së modeles Niki Deliorgji.
Modelja publikoi në Instagram-in e saj një video ku bënte një kërcim sensual nën ritmet e këngës më të re të Alban Ramosajt.
Videoja mori shumë komente nga ndjekësit e Nikit, megjithatë fjalët e Albanit tërhoqën ranë më shumë në sy.
Këngëtari e quajti modelen “gruja jem” dhe kaq mjaftoi që të përhapeshin fjalët.Pas kësaj të gjithë mendojnë se ata janë në një lidhje edhe pse asgjë nuk është e konfirmuar.
Por i ftuar në emisionin “Rudina”, Albani duket se konfirmoi diçka dashur pa dashur.
“Ty të ka rënë në kokë për Nikin”, i tha Rudina dhe Albani qeshi i vendosur në siklet. Këngëtari tregoi një nga emojit me zemra që kishte mbi tavolinë duke konfirmuar lajmin.
“U skuqe i tëri kur u përmend Niki Deliorgji. Nuk do shumë për t’u kuptuar, njeriu kur bie në dashuri nuk e mbulon dot, përpiqu sa të duash”, i tha Rudina.
