Aktori i njohur i humorit Albano Bogdo qënka kokë e këmbë i dashuruar dhe sapo na e ka pranuar me një postim në profilin e tij në rrjetet sociale.
“Dashuria e jetës time!”, shkruan Albano përkrah fotos ku është me një bjonde simpatike. Megjithatë nuk dihet ende kush është vajza fatlume, ndërsa në foto duket vetëm profili i saj, e buzëqeshur në krah të Albanos.
Në një rrëfim të sinqertë vitin e kaluar, aktori i humorit Albano Bogdo ka rrëfyer luftën e tij me ankthin dhe depresionin, që e çuan te pija dhe më pas ndarja nga e fejuara.
Ai ka thënë se ka pasur probleme me alkoolin dhe jetën e shfrenuar, shkak për të cilat është bërë ankthi. Albano madje ka rrëfyer se si pasojë e kësaj jete që bënte, u nda dhe nga e fejuara.
Por me sa duket, aktori e ka rigjetur sërish dashurinë dhe tashmë ka hequr dorë plotësisht nga alkooli.