Balerina Klaudia Pepa ka festuar 27-vjetorin e saj të lindjes dhe në këtë ditë speciale për të, ajo ka vendosur të ndajë një shkrim me ndjekësit e saj në Instagram.
Krahas një poze në Milano, balerina shkruan:
“Vajza e ditëlindjes! Ditëlindja është vetëm një ditë më shumë nga të gjitha ditët që do të vijnë, por bëhet një kujtim i veçantë nëse kalohet me ata që i doni. Ajo që e bën të veçantë një ditëlindje nuk është vetë data, por dashuria që është mbjellë ndër vite, e mbledhur përmes vëmendjeve dhe buzëqeshjeve të atyre që kemi pranë. Faleminderit miqve të mi, edhe ju faleminderit për përkrahjen, për këshillat, faleminderit që jeni aty. Një përqafim, Kla!”
Mirëpo, kjo ditë e veçantë për Klaudian s’ka kaluar pa një surpizë të vogël nga ish-bashkëshorti, koreografi Albi Nako.
Duket se ata vazhdojnë të ruajnë marrëdhënie të mira edhe pas ndarjes, ndaj Albi i ka shkruan Klaudias në komente:
“Gëzuar ditëlindjen“, shoqëruar me disa emoji.
Klaudia nuk i ka kthyer ende një përgjigje ish-bashkëshortit, ndërsa komenti i tij ka marrë shumë pëlqime nga ndjekësit, të cilët e kanë vlerësuar këtë gjest.
